الصداقة ما بين البنت والولد

[عازف الاحزان]

الصداقة مابين البنت والولد


عن ظاهرة الصداقة المنتشرة مابين البنات والشباب اسمحولى اقول للبنت والولد كلمتين قبل ماادخل فى الموضوع
بقول للبنت.. اختى فـ الله من قلة البنات تبقى صديقتكـ (ولد)
وبقول للولد.. من قلة الولاد يبقى صديقكـ (بنت)




دى كانت البداية وكملوا معايا لكن ...من غير زعل..




الى البنات..



حبايبى ازاى بتقدروا تكلموا ولاد فى التليفون .. مبتحسوش ولو للحظة انكوا بتعملوا حاجه غلط.. ايوه اكيد عارفين انه حاجه غلط .. لانكوا مش بس بتكلموا ولاد فى التليفون ده انتوا كمان اول مابتحسوا ان بابا او ماما او اخوكى او اختكـ قريبين منكـ بتكلميه كأنه بنت .. يعنى بتكدبى على أهلكـ.. بالاضافه لكده فواتير التليفون اللى بتيجى مرتفعة مش بتحسى بالذنب لانها من كلامكـ مع ولد مش واحده صاحبتكـ حسى ولو للحظه بوالدكـ واللى التعب اللى بيتعبه علشان يجيب فلوس الفاتوره دى..




ممكن تقوليلى احنا بنتكلم كلام عادى ..
فـ هقلكـ وليه متتصليش بصاحبتكـ بدل ماتتصلى (بصاحبكـ) مش كله كلام
هتقوليلى مش عارفه ليه بيحصل ده بس بحس براحه اكتر وانا بتكلم معاه فبفضله على صحباتى
فـ هقلكـ اكيد طبعا هتحسى براحه لان الشيطان موجود.. امال هو لازمته ايه .. ده يبقى فشل فى مهمته لو ماخلاكيش تفضلى صاحبكـ على صاحبتكـ
ياترى هتسيبى الشيطان هو اللى ينتصر ولا هتنصرى حبكـ لربنا وأّمانتكـ مع أهلكـ وقبل ده مع نفسكـ
..ليكى الاختيار..




عارفه يا اختى فـ الله ممكن تقوليلى الملل والزهق هما اللى بيدفعوكى لكده وكمان انكـ شايفاها انها بقت حاجه عادية كل البنات بتعملها..
اختى والله انا حاسس بيكى
الملل
والفراغ
ويمكن مفيش حد حاسس بيكى لا من صحباتكـ ولا من اهلكـ
ويمكن الشخص ده اكتر واحد بيفهمكـ
وحاجات تانية كتير..
لكن اسمحى لنفسك انكـ تفكرى ولو دقيقه واسألى نفسكـ (هل انا راضية عن نفسى وانا بكلم ولد؟؟)
( ياترى ربنا راضى عنى وانا بكلم ولد ولا مش راضى وزعلان منى) جاوبى على الأسئلة دى بصراحه
لازم تجاوبى دلوقتى.. قبل ماتتسألى من الملكين فى القبر ومن ربنا يوم القيامة..
وحاولى ع اد ما تقدرى تقتلى الفراغ والملل بالصلاه وقرأه القرأن او تقعدى مع والدتكـ ووالدكـ وتاخدى رضاهم



وسيبكـ من البنات اللى حسسوكى انها حاجه عادية لان زى مافى كتير بيكلموا ولاد فى الاكتر منهم مش بيكلموا ولاد
وكمان احنا كلنا فى الهوا سوا ..فمثلا انا زيكـ مش بلاقى حد معايا ومش بلاقى حد يفهمنى واخواتى بنات واخويا الولد متجوز ووالدتى ووالدى مش موجودين يعنى طول اليوم لوحدى لانى مسافر .. يعنى وحده من كل النواحى .. لكن عمرى مافكرت اصاحب بنات
ممكن تقوليلى يمكن مفيش بنت فكرت تكلمكـ وحاولت تكسب صداقتكـ فخلى الطابق مستور
ههههههههه
بصراحه كنت اتمنى لكن للأسف كتير حاولوا يكلمونى ويكسبوا صداقتى لكن ده طريق وكل واحد بيختار طريقه وانا مختار طريقى ان كلام او صداقة البنات ممنوع لان زى ماقلت فى البداية مش من قلة الولاد اصاحب بنات او اكلم بنت او اطلب حاجه من بنت.
وكمان بنات كتير زيّكم مش بيكلموا ولاد فاتشجعـــــــــــــى
ولو كنتى انتى بتكلمى ولد قوليها لنفسكـ
مش هكلم ولاد تانى
واستغفرى ربنا
وأأكد ليكى انكـ هتذيدى فى نظر نفسكـ مليون مره وكمان هتذيدى فى نظر اى ولد كنتى بتكلميه مليون مره
وكفايه نظرتكـ لنفسكـ
بس لازم ماترجعيش تكلميه تانى وماتقوليليش مقدرتش ومش هقدر.. لازم تصممى .. وساعدى نفسكـ وابعدى عن الاسباب اللى بتساعدكـ انكـ تكلميه وادعى ربنا انه يعينكـ وان شاء الله هتلاقى نفسكـ بقيتى قادرة تعيشى من غير كلام ولاد.




الى الشباب..



اسمحولى أسألكوا واتمنى الاقى اجابات منكوا
انتوا بتستفادوا ايه لما بتكلموا بنت فى التليفون ولما بتخرجوا مع بنت..؟
لو كانت البنت دى اختكوا كنتوا هترضوا ده ليها
هتقوليلى احنا اخواتنا البنات مايعملوش كده اصلا
فأنا هقول ليكو حديث للرسول صلى الله عليه وسلم(حب لأخيكـ ماتحبه لنفسكـ) مادمتوا انتوا مابتحبوش يحصل ده لاخواتكوا وماترضوش بيه ليهم يبقى فى نفس الوقت ماترضوش بيه لبنات الناس واعتبروهم اخواتكم




ممكن فعلا الاقى شباب بيقول عادى وفيها ايه لما اكلم بنت ومافيهاش حاجه لما اختى تكلم ولد
بصراحه لو كان فى شباب كده يبقى ونعم الرجوله.. ولاتعليق




وطلب صغير من شباب منتدى الشبح المصري بس من غير تجريح او اسائه ياريت شباب المنتدى يوضحوا للبنات نظرتهم ايه للبنت اللى بتتكلم فى التليفون مع ولد ولو كانت البنت دى اختهم كانوا هيتصرفوا معاها ازاى؟؟؟




الموضوع ده كبير واتمنى ان الشباب والبنات يشاركوا بوجهات نظرهم وبأرائهم
الصداقة موضوع حاليا فى غاية الأهمية وفى نفس الوقت فى غاية الخطورة ولازم مناقشة وتوضيح من جانب جميع الأطراف



يــا الله
أشهد أن لاإله إلا أنت سبحانكـ أستغفركـ وأتوب إليكـ وشاهد ع كلامى
واستودعكم الله



على فكرة الموضوع منقوووول
بس نقلته لانى عاوزة اعرف رايكم فى الكلام ده
و انا نفسى هدخل وهقول رايى فى الموضوع بس بعد ما اشوف رايكم
وياريت كلنا يكون عندنا الجرأة للمناقشة
تقبلو منى خاالص التحاايا


hams

[الفهد]

موضوع جميل ومعلومات ونصائح مفيده لكل ولد وكل بنت ويارب يستفيد منها كل من يقرأها من اولاد وبنات بس احنا فى زمن العولمه زمن البنت والولد بيقلدو فيه الغرب فى كل طبائعهم
ولا بد لنا من وقفه مع انفسنا وان نقول لا للغرب وعاداته لنا عادات وتقاليد لابد من الحفاظ عليها واحنا بنات محترمات لا تعترف الا بالزواج الرسمى نوع واحد من العلاقات مفيش عندنا علاقات اخرى واكيد للولد نفس الكلام مشكله كبيره يا هامس بس احنا مش هنغير مجتمع كامل
يبقى لازم نبدا بانفسنا الاول
تسلم يا جميل على موضوعك الثرى بالمعانى والنصائح الجميله ويارب يستفيد ويعمل به كل من يقرأه سلامى لقلمك ولشخصك الكريم

[saraa1_alex]

اهنيك على الموضوع دة بس عايزة اضيف لك ان مش كل البنات بيتكلمو معى اصحاب ليهم ولاد زى ما حضرتك تفضلت وقولت انا مثلا عندى اصدقاء ولاد وبنات وبتعامل معاهم بكل احترام وقصاد اهلى كمان واهلى بيتعاملو معاهم خاصا الولاد واؤيدك راى ان معظم الولاد بيصاحبو بنات من اجل المتعة والترفية لكن اذا اقترب احد من اختة والدتة ياخذ واقفة هنا
شكرااا على موضوعك بجد روعة وادعو معك الشباب بنات وأولاد اتقو الله فى معاملاتكم ببعض

[saraa1_alex]

شكرررررررررا على الموضوع الجميل دة بس افتكر ان البنات او معظمهم بيلجأ لصداقة الولد تجنبا لغيرة البنات من بعضها لكن الولد مستحيل انة يغير منها واتمنى لكل من يقرا هذة النصائح الاستفادة بها

[المستقبل]

مشكور يا هامس على الموضوع الجميل ده

بس عايز اقولك ان الصداقة شىء جميل وبتكلم عن نفسى ان ليه

زملاء الجامعة ما زلنا على اتصال ببعض بالرغم من ان معظمهم

متجوز وعنده اولاد يعنى الاختلاط بين الاولاد والبنات مش لازم ننظر له نظرة سيئة

وممكن الصداقة بينهم تدوم مدى الحياة

وطبعا انا مبتكلمش عن اللى بيحصل الوقتى من الافعال التى ان دلت على شىء فانما تدل

على عدم احترام العادات والتقاليد

تقبل مرورى

[توناكي]

.مشكوور علىى الموضوووع الجمييل وهذا الشئ مطرووح اكثر شي عند الخليج العربي

[عازف الاحزان]

موضوع جميل ومعلومات ونصائح مفيده لكل ولد وكل بنت ويارب يستفيد منها كل من يقرأها من اولاد وبنات بس احنا فى زمن العولمه زمن البنت والولد بيقلدو فيه الغرب فى كل طبائعهم
ولا بد لنا من وقفه مع انفسنا وان نقول لا للغرب وعاداته لنا عادات وتقاليد لابد من الحفاظ عليها واحنا بنات محترمات لا تعترف الا بالزواج الرسمى نوع واحد من العلاقات مفيش عندنا علاقات اخرى واكيد للولد نفس الكلام مشكله كبيره يا هامس بس احنا مش هنغير مجتمع كامل
يبقى لازم نبدا بانفسنا الاول
تسلم يا جميل على موضوعك الثرى بالمعانى والنصائح الجميله ويارب يستفيد ويعمل به كل من يقرأه سلامى لقلمك ولشخصك الكريم



الاخ الغالى

اشرف

تحياتى لوجودكـ الكريم

احب اناقش معاكـ نقطه

مشكله كبيره بس احنا مش هنغير مجتمع كامل
يبقى لازم نبدا بانفسنا الاول


احنا فعلا مش هنقدر نغير مجتمع كامل

وظروف الشباب الايام دى تمنعهم انهم يغيروا نفسهم

لان الموضوع ده بئا عقده نقص بالنسبه لكل شاب

كل شاب نفسه يقعد مع بنت ويتكلم معاه ويحكى وموبايلات وكده

بالرغم من انه لو خلى اوادمه موقف ان اخته لو عملت كده هيوافق هيقول استحاله طبعا ازاى اختى تقعد مع شاب

فـ الموضوع ان الشباب ماشى حاليا بالموضوع غيره من بعض كله بيقول اشمعنا ده يقعد مع بنت

والبنت بردو نفس الكلام

لو شافت زميلتها واقفه مع شاب بتقيد ناار من جواها وتقول ليه هيا تعمل كده وانا لاء هيا مش احسن منى

الموضوع بئا ليه هيا وليه هوا

بدعى ان ربنا يهدى كل شباب المسلمين ويوفقهم للخير دائما

وبجد منور الموضوع ياغالى

[عازف الاحزان]

اهنيك على الموضوع دة بس عايزة اضيف لك ان مش كل البنات بيتكلمو معى اصحاب ليهم ولاد زى ما حضرتك تفضلت وقولت انا مثلا عندى اصدقاء ولاد وبنات وبتعامل معاهم بكل احترام وقصاد اهلى كمان واهلى بيتعاملو معاهم خاصا الولاد واؤيدك راى ان معظم الولاد بيصاحبو بنات من اجل المتعة والترفية لكن اذا اقترب احد من اختة والدتة ياخذ واقفة هنا
شكرااا على موضوعك بجد روعة وادعو معك الشباب بنات وأولاد اتقو الله فى معاملاتكم ببعض

الاخت الرقيقه

ساره

بجد اسعدنى نقاشكـ الجميل

واحب اتكلم معاكى واناقش الموضوع ده

انا فعلا قولت انى عندى اصدقاء والحمد لله كل شىء على نيه صافيه وادام ربنا كلهم اخواتى
مش شرط انهم عن طريق نت لاء فـ القلب اخوه فـ الله

بس زى ما قلتى حضرتكـ اغلب الشباب والبنات فـ الجامعات بالاخص بيبئا تقضيه فتره دراسه مش اكتر

لكن ليا سؤال واتمنا اجابته من حضرتكـ.؟

هل تقبلى الوضع الحالى للشباب والفتيات

( اتصالات - خروج - مقابلات - علاقات وهميه تنتهى بزواج عرفى ) اثناء فتره الدراسه )

وياريت لو قلتى لاء توضحى الاسباب علشان نعرف وجهة نظركـ كـ فتاه

احب اقولكـ حاجه بسيطه

لو وجهنا نظرنا للصداقه الحقيقه او الاخوه هنلاقيه تختلف مطلقا عن وضعها الحالى فكلا منهما لها معناها المحدد والمختص

تقبلى خاالص تحياتى لنقاشكـ الجميل

[عازف الاحزان]

شكرررررررررا على الموضوع الجميل دة بس افتكر ان البنات او معظمهم بيلجأ لصداقة الولد تجنبا لغيرة البنات من بعضها لكن الولد مستحيل انة يغير منها واتمنى لكل من يقرا هذة النصائح الاستفادة بها


فعلا اغلب البنات بيلجأ للكلام مع الولاد وليس الصداقه بسبب الغيره وليس تجنبا لها

والبعض منهم بيلجأ لخدعه الحب الوهمى كى يثبت لنفسه انه قادر على خوض التجربه

وبعد كده بيكون ابسط رد

( اننا مش هينفع نكون لبعض لانى ممكن حد يخطفنى منكـ فـ اى وقت )

وده اللى بيحصل

وانا بقول كده عن تجربه شخصيه وليس كلام من الوهم


فيه بعض الولاد بيغير من البنت اللى معاه مثلا

لو هيا بتصلى

بيقول طيب هيا ليه تصلى وانا لاء

او لو هيا ملتزمه ( متدينه - محترمه )

بيحاول انه يبئا زيها

لكن معتقدش انه ممكن يكون يغير منها فـ حاجه وحشه

وربنا يهدى الجميع

ويوفقهم للخير

[عازف الاحزان]

.مشكوور علىى الموضوووع الجمييل وهذا الشئ مطرووح اكثر شي عند الخليج العربي


الشكر لله ياغالى

الموضوع ده منتشر فـ العالم كله

وليس الخليج فقط

ومنتشر بالاخص فـ الدول الغربيه

يعنى حريه مطلقه

واحنا للأسف الشعب العربى نظرا لما نعانيه من كبت وكتمان

نقلد كل شىء

ربنا يصلح الحال

منور الموضوع ياغالى

[رجاء]

السلام عليكم ورحمة الله و بركاته


في البداية ,احب أشكرك اخي هامس على هذا الموضوع القيم و الحساس جدا جدا

انا من رأيى ان الصداقة بين الولد والبنت ليها حدود و اي تعدي لهذه الحدود تبقى النتائج

طبعا سلبية جدااااااااااااا

بس المشكلة الاولى قبل رسم اي حدود هي الاختيار

هل ياترى هو شاب كويس....................

هل ياترى هي شابة كويسة ................

فان كان هناك سوء في الاختيار فالبتالي هينعكس حتى في رسم الحدود فيما بينهم

و اقول انه بعد الشباب عن الدين هو ما أدى الى ما نحن علية اليو م


وربنا يتجاوز عنا

وربنا يهدي الجميع


تقبل مروري

ودمت في تقدم و تالق

في انتظار جديد ك

[عازف الاحزان]

السلام عليكم ورحمة الله و بركاته



في البداية ,احب أشكرك اخي هامس على هذا الموضوع القيم و الحساس جدا جدا

انا من رأيى ان الصداقة بين الولد والبنت ليها حدود و اي تعدي لهذه الحدود تبقى النتائج

طبعا سلبية جدااااااااااااا

بس المشكلة الاولى قبل رسم اي حدود هي الاختيار

هل ياترى هو شاب كويس....................

هل ياترى هي شابة كويسة ................

فان كان هناك سوء في الاختيار فالبتالي هينعكس حتى في رسم الحدود فيما بينهم

و اقول انه بعد الشباب عن الدين هو ما أدى الى ما نحن علية اليو م


وربينا يتجاوز عنا

وربنا يهدي الجميع


تقبل مروري

ودمت في تقدم و تالق


في انتظار جديد ك



صح يارجاء

زى ما قولتى

اهم حاجه الاختيار الصح

بس فيه اوقات بيكون الشخص ده كويس فـ البدايه لغايه ما يوصل لهدفه

بعد كده بيبئا انسان غير الانسان

وفت اوقات مش يستحق كلمه انسان

ونفس الكلام بردو ع البنت


شكرا رجاء على رأيكـ

وتقبلى منى خاالص الحب والمنى لمروركـ الجميل

[العمده]

حبيبى قلبى

هامس


بجد والله مزضزع روعة


والحق انا كنت عاوز اكتب حاجة زى كدا


المهم احب اقول رأيى فى موضوع الصداقة بين الولد والبنت


اولا موضوع الصداقة بصفه عامة اصبح نادر الان

االناس فعلا بتخون اللى اعز من اهلها فما بالك بالصداقة


انا مش قديس ولا ملاك علشان انفى حاجة زى دى عنى احيانا


ارحو ان محدش يزعل منى بس قعلا صداقة بين الولد والبنت نوووووووووووووووووووووووووووو


يعنى مفيش صداقة بين الولد والبنت الا اذا اتجط لها شروط

الا اذا حاولنا ما نتعداش بعض الخطوط الحمراء اللى بقينا نعديها من اول ربع ساعة صداقة

[عازف الاحزان]

حبيبى قلبى


هامس


بجد والله مزضزع روعة


والحق انا كنت عاوز اكتب حاجة زى كدا


المهم احب اقول رأيى فى موضوع الصداقة بين الولد والبنت


اولا موضوع الصداقة بصفه عامة اصبح نادر الان

االناس فعلا بتخون اللى اعز من اهلها فما بالك بالصداقة


انا مش قديس ولا ملاك علشان انفى حاجة زى دى عنى احيانا


ارحو ان محدش يزعل منى بس قعلا صداقة بين الولد والبنت نوووووووووووووووووووووووووووو


يعنى مفيش صداقة بين الولد والبنت الا اذا اتجط لها شروط


الا اذا حاولنا ما نتعداش بعض الخطوط الحمراء اللى بقينا نعديها من اول ربع ساعة صداقة




صح يا سيف زى ما قولت

نورت الموضوع يا غالى

واتمنى اشوفكـ دايما كده منور كل المواضيع والمنتدى كله

تقبل منى خاالص التحاايا والمنى

up

[سندس الجنة]

اولاً اود ان اشكر صاحب الموضوع على هذا الموضوع الذى طرحه على ساحة الحوار وأحب ان اضيف شيئا على كلامك وهو ان الصحوبية بين البنت والولد يعتبر غير مشرع بها دينيا ويجب على من يصاحب البنات ان يتقى الله فى ذلك لانه اذا رضى لأخته ان تصاحب ولداً فيجب عليه ان يراعى ذلك ان ما يحدث بينه وبين الفتاه التى يصادقها فهو سوف يحدث نفسه مع اخته فيجب على كل شاب ان يتقى الله وان يتعفف عن مصادقة البنات وكذلك يجب على البنات ان تتعفف هى الاخرى وان تتقى الله فى والديها وعدم مكالمة اصدقاء اولاد لها بدون علم والديها والله الموفق....
:poster_spam[1]::poster_spam[1]::poster_spam[1]:

[كرم الحقول]

bsr ! fl7a9i9a hadchi kollo li gelty kayn surtt f lmoujtama3at l3arabya lli nezlat lwa7ed lmostawa mon7at . lebnat wllaw kaydello m3a drary w drary 7etta homa wlmochkila lkobra hya riab lmora9aba dyal lwalidin w 3adam l2i7ssass bmora9abat lah soub7anaho wa ta3ala . merci a khoya 3la had lmawdo3 erra2i3 . fntidar jadidek

[mohamed1]

[عزيزي الزائر يتوجب عليك التسجيل لمشاهدة الرابط] [عزيزي الزائر يتوجب عليك التسجيل لمشاهدة الرابط] [عزيزي الزائر يتوجب عليك التسجيل لمشاهدة الرابط]

[سيمبا]

[موضع جميل يا ذديقــــــــــــــــي

وانا معاك