المساعد الشخصي الرقمي

مشاهدة النسخة كاملة : أنا مصرى أبن مصرى وليا الشرف

دنيا
03-05-2008, 12:53 AM
أنا مصرى أبن مصرى وليا الشرف


شعبيات عم أحمد فواد نجم


أنا مصرى

أنا مصرى أبن مصرى وليا الشرف
برغم المهانة برغـــــــــــــــم القرف

برغم الزبالة اللى مالية الشــــــوارع
برغم الفســـــــــــاد اللى بيه أعترف

سمو معـــــــــــــــالى رئيس الوزارة
نتيجة موظف بسيـــــــــــــط أنحرف

برغم المجاعة اللى داخلين عليهــــــا
وفينا اللى عـــــــايش حياته فى ترف

برغم البطــــــــالة فى أوضة وصالة
برغم أن أخر جنيـــــــــــــه اتصرف

برغم طـــــــــــابور الصباح السخيف
وكل منايا يادوب كــــــــــــــام رغيف

برغم أسايـــــا لمنظر عشايــــــا
وأقول مش مهم يــــــــــا واد نام خفيف

برغم إنى شايف بـــــــلاوى وساكت
وعايش مطنش كـــــــأنى كفيف

برغم وزارة رئيسهــــــــا حرامي
وشوفوا البجاحـــــــــة يقولوا نظيف

برغم الســـــــلام اللى غرقت بناسها
برغم العيـــــــال اللى ساكنة الرصيف

برغم حكومة شعــــــــارها الكلام
ورغم رئيسنـــــــــــــا عليه السلام

ورغم أن كله يــــــــــــــا عالم بيغلى
إلا كرامتى بترخص قــــــــــــــــوام

برغــــــم إنى عايش في بلدى فريسة
ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى
فعهد جنابه كـــــــــــــلام فوق رخام

برغم ده كله يــــــــــــا مصر بحبك
وطظ فيهم ودا آخر كلامأ[ًٌٌٍُإ÷
justegyptian
03-05-2008, 02:31 AM
بجد يا دنيا الكلام حلو أوي.
أحييكي على إختيارك.
بانتظار مشاركات اجمل وأجمل.
Ghost
03-05-2008, 11:09 AM
مشكورة على القصيدة الجميلة
هو نجم بيجيب من الأخر
دنيا
03-05-2008, 02:59 PM
بجد يا دنيا الكلام حلو أوي.

أحييكي على إختيارك.

بانتظار مشاركات اجمل وأجمل.


الاجمل هو مروركـ وردكـ

دمتى بكل خير اختى الرقيقه
justegyptian
03-05-2008, 04:15 PM
ميرسي يا دنيا
ده من ذوقك والله
دنيا
03-05-2008, 05:47 PM
مشكورة على القصيدة الجميلة


هو نجم بيجيب من الأخر



اهاا نجم شاعر الغلاابااا

ميرسى يا تامر على ردكـ ومروركـ اللى اسعدنى