المساعد الشخصي الرقمي

مشاهدة النسخة كاملة : هو الإضراب نجح ولا لأ

justegyptian
29-04-2008, 01:12 AM
هو الإضراب نجح ولا لأ

شوفوا يا جماعة،
بصراحة كده، أكيد اللى بيتابع منكم الجرايد المصرية وإزاى تناولت موضوع الإضراب أكيد حيلاقي مهزلة..... هتحسوا إنكم في بلدين مختلفتين، مصر و مدغشقر مثلا.
يعنى مثلا حتلاقوا الصحف القومية بتقول "وفشل الإضراب" والمعارضة تقول "ونجح الإضراب". وتلاقوا الصحف القومية بتدعو المواطنين "بعدم الانصياع لرغبات المخربين الهادفين لضرب الاستقرار القومى المصرى"
يا جماعة هل انتو شايفين ان هو ده دور الصحافة؟؟ انها تقدم معلومات مغلوطة وتستهزا بعقلية المواطن؟؟؟ هل دور الصحافة انها تفرض وصايتها على المصريين و تقولوهم يعملوا ايه و ميعملوش ايه؟؟؟
مستنية ردودكم


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
احمد الحداد
29-04-2008, 01:53 AM
في البدايه أحب اشكركـ علي الموضوع
وردااً علي السؤال عنوان الموضوع
أناا من وجهة نظري الشخصيه إن الإضراب
مش نجح ولا حاجه وبصراحه مش شايف اي تغير
حاصل وكل شىء رجع لطبيعته وكله رجع نام تاني
كأن شىء لم يكن حتي الصحف المصريه أصلااً
بطلت تتناول الموضوع

يا جماعة هل انتو شايفين ان هو ده دور الصحافة؟؟
؛
والله إحناا في مصر مش غريب علي الصحافه المصريه
داا هي دي طبيعتهااا هانستغرب ليه ونحاول نغير دورها
ااه احناا كلناا عارفين إنهم غلط بس فيه حد يقدر يغير
وطبعااً مش هو داا دور الصحافه المطلوب
انها تقدم معلومات مغلوطة وتستهزا بعقلية المواطن؟؟؟
لا جديد ايضاااً طول عمرناا بنشوف ونسمع اخبار
ليس لهاا اساس من الصحه حوادث غلط انباء غلط
كل شىء غلط ومش الصحافه بس حتي الإعلام
يا جماعه مفيش فايده
هل دور الصحافة انها تفرض وصايتها على المصريين
و تقولوهم يعملوا ايه و ميعملوش ايه؟؟؟

وبعدين الصحافه مش بتفرض وصايتهاا علي الناس
ولا حاجه هي تقول والي عاوز يسمع براحته
ومن الآخر كداا إحناا كلناا عارفين إن الصحافه
عندناا تعتمد علي الإثاره والتشويق والفرقعه
وتعتيم الحقائق والإنضمام الي الحكومه إلخ ..
خساااااااره

؛

مره تانيه اشكركـ علي موضوعكـ
Ghost
29-04-2008, 12:57 PM
هو الإضراب نجح ولا لأ؟
انا رائي انه نجح ولو حتى من ناحية الفكرة مش شرط انه اضراب يعني عاوزين كله شيئ يتغير مره واحده لكن هو عمل نوع من لفت النظر ومره في مره حيكون له تأثير اكبر
جماعة هل انتو شايفين ان هو ده دور الصحافة؟؟ انها تقدم معلومات مغلوطة وتستهزا بعقلية المواطن؟؟؟
لا طبعا هو ده مش دورها الحقيقي بس الصحف الحكومية عندنا لازم تدافع عن الحكومة وتزور كل شيئ لمصلحة الحكومة ومع الوقت الناس بدأت تعرف الصدق من الكذب البدائل كثرت

هل دور الصحافة انها تفرض وصايتها على المصريين و تقولوهم يعملوا ايه و ميعملوش ايه؟؟؟
لا هو دورها مش الوصاية لكن ممكن يكون لها دور تنويري على اساس انه مفروض انه كتاب الصحف ناس مثقفه ولديها المام اكثر بمعلومات بأي موضوع
وبيكون لديها رؤية اكثرا وعيا

في النهاية اشكرك على طرحك لهذا الموضوع واهلا بيكي في المنتدى ونتظر مشاركاتك المتميزة دائماً
justegyptian
30-04-2008, 08:29 PM
اولا: عاوزة أشكركم على المشاركة في الموضوع
ثانيا: أنا حسيت من الردود إن إحنا كلنا عارفين إن الجرايد القومية بتضحك على الناس ودايما بتقدم معلومات مغلوطة
السؤال بقى، عملنا إيه عشان نبين رفضنا للي بيحصل ده، عملنا إيه عشان نثبت للناس دي إننا ميضحكش علينا؟؟؟
تعرفوا إن إجمالي توزيع الجرائد في مصر مليون نسخة وإن الأهرام
لوحدها بتوزع 700 ألف نسخة للطبعة الواحدة ؟؟؟؟؟
أعتقد إن لو الناس بطلت تقرأ الجرائد دي أكيد حيكون فيه مردود قوي نثبت بيه للناس دي إننا واعيين ومش هنقبل وصايتهم أيا كانت
مستنية ردودكم وارائكم:p