امن دولة
07-04-2008, 10:25 PM
صباح الخير يا عم الغلاء
ولا احنا لاقيين يا بويا الفطار
ولا حتى لاقيين يا عمي العشاء
يا عم الناس والدنيا ما تقول
ليه يغلى علينا طبق الفول
ده هو قوتنا وقوت العيال
وكونه يغلى ده يبقى استهبال
مظاهرات في كل مكان عندنا
في القاهرة واسكندرية وقنا
وكل الناس على أرضنا
تعبانه وماهياش لاقيه الدواء
صباح الخير يا عم الغلاء
نقول الحكومة ولا نقول الناس
مش عارف اقرر انا محتاس
يا عم الغلاء الله يرضى عنك
انا عايز اجابة تكون شافيه منك
انا تعبت واحتار يا عمي دليلي
وغلب حماري وفرحوا الاعداء
صباح الخير يا عم الغلاء
كلام حلو كل يوم بنسمعه
كلام عن الاصلاح وعن البتنجان
ولا فيه تنفيذ ولا يحزنون
والشعب اهه لسه ما زال جعان
يا عمنا امتى بقى هاننفذ
كلام بيتقال ده كلام ينرفذ
ابوس ايدك يا عمي رد عليا
جاعت العيال وهربت الوليه
وربي تعبت والصبر مني نفد
انا خايف من كتر صبري اتحسد
عايش في حارة زي المغارة
وراضي بالبنتين وحتة الولد
طقم واحد لبس في السنه
وطبق الفول بالزيت يا عمنا
وباحمد ربي وباشكر فضله
على نعمته .... شكراً يا ربنا
ما نعرفش ف بيتنا معنى اللحمة
ولا حتى العيال عارفين شكلها
غيرش في المواسم والمناسبات
بنجيب حتة واحده عشان نشمها
يا عم الغلاء تبقى هي ناقصة
ابيع بقى العيال ولا ابيع هدومي
والله نفسي البس قميص جديد
واكل ولو مرة حتة جبنة رومي
وييجوا كمان يغلوا سعر العدس؟؟
ياخي يا رب يجيلهم وباء
صباح الخير يا عم الغلاء
تعبت والشكوى لغير الله مذلة
ومش هاشكيلك انا اي ذلة
استنى ده انا بايني اشتكيت
وجايين يقبضوا عليه في البيت
عشان باتكلم عن الأسعار
اوعى سيب ايدي ياد يا حمار
طب يا غلاء لك مني سلام
ولو عايزني تعالى لي ابو زعبل
دلوقت اقدر ارتاح وأنام
ايه رأيك فيه ؟؟ مش بالزمة أهبل؟؟
مع حبي وتحياتي
اخ وصديق وادباتي
ولا احنا لاقيين يا بويا الفطار
ولا حتى لاقيين يا عمي العشاء
يا عم الناس والدنيا ما تقول
ليه يغلى علينا طبق الفول
ده هو قوتنا وقوت العيال
وكونه يغلى ده يبقى استهبال
مظاهرات في كل مكان عندنا
في القاهرة واسكندرية وقنا
وكل الناس على أرضنا
تعبانه وماهياش لاقيه الدواء
صباح الخير يا عم الغلاء
نقول الحكومة ولا نقول الناس
مش عارف اقرر انا محتاس
يا عم الغلاء الله يرضى عنك
انا عايز اجابة تكون شافيه منك
انا تعبت واحتار يا عمي دليلي
وغلب حماري وفرحوا الاعداء
صباح الخير يا عم الغلاء
كلام حلو كل يوم بنسمعه
كلام عن الاصلاح وعن البتنجان
ولا فيه تنفيذ ولا يحزنون
والشعب اهه لسه ما زال جعان
يا عمنا امتى بقى هاننفذ
كلام بيتقال ده كلام ينرفذ
ابوس ايدك يا عمي رد عليا
جاعت العيال وهربت الوليه
وربي تعبت والصبر مني نفد
انا خايف من كتر صبري اتحسد
عايش في حارة زي المغارة
وراضي بالبنتين وحتة الولد
طقم واحد لبس في السنه
وطبق الفول بالزيت يا عمنا
وباحمد ربي وباشكر فضله
على نعمته .... شكراً يا ربنا
ما نعرفش ف بيتنا معنى اللحمة
ولا حتى العيال عارفين شكلها
غيرش في المواسم والمناسبات
بنجيب حتة واحده عشان نشمها
يا عم الغلاء تبقى هي ناقصة
ابيع بقى العيال ولا ابيع هدومي
والله نفسي البس قميص جديد
واكل ولو مرة حتة جبنة رومي
وييجوا كمان يغلوا سعر العدس؟؟
ياخي يا رب يجيلهم وباء
صباح الخير يا عم الغلاء
تعبت والشكوى لغير الله مذلة
ومش هاشكيلك انا اي ذلة
استنى ده انا بايني اشتكيت
وجايين يقبضوا عليه في البيت
عشان باتكلم عن الأسعار
اوعى سيب ايدي ياد يا حمار
طب يا غلاء لك مني سلام
ولو عايزني تعالى لي ابو زعبل
دلوقت اقدر ارتاح وأنام
ايه رأيك فيه ؟؟ مش بالزمة أهبل؟؟
مع حبي وتحياتي
اخ وصديق وادباتي